فاينال 14 بعض الجوبات و نظام الكويست الجديد (الجزء 2 من 2)

راح يكون في نظام جديد للكويست و المشن اسمه جلدلف Guildleve و ذا هو النظام الاساسي في فاينال 14
وراح اشرح مميزاته و اختلافه عن فاينال 11 اونلاين


البداية
اول ما تفتح خاصية Guildleve في المدينة نروح لشي اسمه Aetheryte(البتاعة اللي شبه الكرستالة في الصورة اللي تحت)
في الديمو اللي في الصورة تم اختيار كويست (من الـAetheryte)اسمه Puk Extermination أو التحقق من البوك و كان موجود خيارين ثانيين واحد فيهم يطلب منكم تقتلوا وحوش اسمائها Nut Eatersو نجمع 5 قطع من ايتم ينزل منها اسمه Lemming tail. وحوش Nut Eaters كانوا سريعين و يهربوا من اللاعب دائما و كان الحل للناس اللي اخذوا الكويست ذا انهم يتعاونوا مع بعض بحيث انهم ينصبوا فخ لهم بحيث ان ما يكون لهم مجال للهرب. من الكويست ذا ممكن نستنتج ان مو كل المعلومات المعروضة تكفي لفهم كيف النجاح في الكويست (يعني شغلوا مخكم ما راح نكتب كل شي)

==========================================

مراجعة معلومات الجيلدف(ما راح اكتب كويست بعد كده تذكروا الكلمة)
الشاشة التالية الهدف منها عرض معلومات الجلدف مثل شروط اتمام الجلدف و الحد الزمني و الجوائز في حالة النجاح فيه, طبعا نلاحظ الفرق عن فاينل 11 حيث كان الشرح عن المشن او الكويست يعطي كلام عن الشي المطلوب بصورة مبهمة, يعني تم تسهيل الكويستات.
و في الصورة اللي تحت معروضة معلومات عن الهدف من الجلدف الحالي حيث مطلوب نقتل بوك و دودو (تتذكروا اخترنا Puk Examination)

=========================================

البحث عن الهدف

تم اضافة ميزة رائعة هنا هي امكانية تحديد موقع الهدف المطلوب من الجلدف (الكويست) على الرادار و الخريطة وذا شي كان غير موجود في فاينال 11 و راح يختصر كثير من الوقت اللي كان يضيع في عملية البحث عن الهدف

========================================
وجدنا الدودو! قتاااااااااااااال

ذي أحد اهداف الجلدف تبعنا وحش الدودو! القتال مباشر مثل فاينال 11 و ما يجبرنا ننتقل للشاشة اخرى.

==========================================
باي باي دودو!

نلاحظ شيئين في الصورة اللي تحت, اولهم ان اول ما قتلنا الدودو طلعت رسالة تبلغنا كم واحد باقي لاتمام الجلدف ذا. و ثاني شي زي انه امر القتال تم اختياره من القائمة في اسفل وسط الشاشة

==========================================
وقت البوك

بعد ما تم القضاء على الدودو كلهم جا وقت البوك و راح يدلكم الرادار و الخريطة على اماكنهم, لاحظوا انه في هذا الجلدف(الكويست) ما ظهر البوك الا بعد ما تم القضاء على العدد المطلوب من الدودو. و أول ما يتم قتل كل البوك راح يعتبر الجلدف ذا منتهي!

=========================================
تم الجلدف بنجاح, ظهرت نقطة تنقل Warp Point!!!!

ألف ألف مبروك أخييييييييرا!! تنقل مباشر بالوارب من مكان اخر وحش مطلوب إلى Aetheryte(البتاعة اللي شبه الكرستاله اللي أخترنا منها الجلدف ذا), يعني كثيييييير مشاوير راح يتم اختصارها بالعملية ذي , كل ما نخلص جلدف راح تظهر نقطة Warp ترجعنا لمكان البداية. طبعا الناس اللي لعبوا فاينال 11 و ضربوا مشاوير لليل يعرفوا قيمة الإضافة ذي.

===================================
أسلوب القتال

راح يكون اسلوب جديد تماما, نبدأ بمقياس الاكشن Action Gauge ركزوا بالصور تحت خط افقي احمر وواحد أزرق, الأحمر يرمز لليد اليمين و الأزرق لليد اليسار, نختار حركة أو أمر لكل يد و تكون الأوامر ذي على حسب السلاح أو الدرع المركب باليد ذي, و اول ما يصير العداد ذا كامل (عداد يزداد مع الزمن) راح يتم تنفيذ الامر اللي تم اختياره لليد ذي. و لو وصل العداد كامل و ما تم اختيار أمر راح يبدأ العداد الثاني اللي اسمه عداد القوة Power Gauge كل ما يصير العداد الاول حق الاكشن كامل بدون استخدام راح تزداد قيمة عداد القوة بواحد (عداد القوة واضح في الصورة شكل ربع دائرة بنف لون اليد) و عداد القوة ذا يأثر في نتائج الأوامر اللي تطلب في كل يد على حده.
و في كمان العداد القديم المعروف TP و راح يتعبأ بنفس الطريقة اللي بفالينال 11 (لما نضرب الوحش).

أخيرا مجموعة من المعلومات المتفرقة:

-نظام القتال يتطلب من اللاعب الانتباه طول الوقت و اختيار امر اللعب بكل هجمة حتى الضربات العادية, بعكس نظام الهجوم الآلي الموجود حاليا في فاينال 11.
-لعبة فاينال 14 مكتملة بنسبة 40% إلى 50% في الوقت الحالي و راح يكون في الكثير من التعديلات مستقبلا و إضافات كمان.
-طبعا الكويستات المعروضة هي مجرد امثلة محدودة كانت في نسخة الديمو اللي في المعرض و راح يكون في الكثير من الكويستات الأكثر تعقيدا (رحنا فول في صباح العيد)


و أتمنى ان تكون بداية بلوقاتي عجبتكم